Cu frequenta sta scola, si nsigna lu misteri,

cucina, mangia, vivi e non sta peri peri,

Ccu lu nostru diploma l’opzioni sunu tanti,

o travagghi in cucina o ti apri n’ristoranti.

Cu pigghia brutti strati e sta a non fari nenti,

arriverà u mumentu, ca poi  si ni penti.

Cu si comporta beni, ccu rispettu e educazioni,

si merita d’aviri  aiutu e ammirazioni.

Cu inveci è strafuttenti e voli fari u spettu,

è megghiu ca si peddi pigghiannu a strata e pettu.

L’istitutu alberghieru è comu na famigghia,

ma  a lu nostru prèsidi ppi fissa nuddu u pigghia.

Ogni tantu fa vuci, si vidi i cosi stotti,

però si tu hai bisognu, ti apri tutti i potti.

Cettu ca non è facili cummatiri ccu tutti,

ci su jurnati belli, ci su jurnati brutti.

A cosa cchiù mpurtanti è non perdiri a pazienza,

cuncludu e vi salutu, u prufissuri di Accoglienza.